"Qarabağ" dünyada yüksəldi, "Zirə", "Araz" endi   

Beynəlxalq Futbol Tarixi və Statistikası Federasiyası (IFFHS) fevral ayı üçün yeni klub reytinqini açıqlayıb.

Supersport.Az xəbər verir ki, dünyanın 502 klubunun siyahısına Azərbaycan Premyer Liqasının dörd təmsilçisi - "Qarabağ", "Sabah", "Zirə", "Araz-Naxçıvan" da daxil edilib.

“Qarabağ” 200 xalla 69-cu yerdən 60-cı yerə yüksəlib. Ağdam klubu "Mançester Yunayted", (63), "Fiorentina" (70), "Ayntraxt" (74) və başqa klublardan irəlidədir. 

“Sabah” 224-cü yerdən 211-ci pilləyə qalxıb.

"Zirə"nin mövqeyi isə daha da pisləşərək 389-cu yerdən 418-ci yerə enib. 

"Araz-Naxçıvan" da reytinqdə geriləyərək 456-cı yerdən 468-ci yerə qədər geriləyib. 

PSJ (595) reytinqdə birincidir.

İngiltərənin "Çelsi" (496) və Almaniyanın "Bayern" (457) klubları isə növbəti iki pilləni tutur. "Real Madrid" 451 xalla 4-cü pilləyə düşüb.