"Qarabağ"ın legioneri cəzalandırıldı

Supersport.Az xəbər verir ki, AFFA "Qarabağ"ın müdafiəçisi Sami Mmaeni cəzalandırıb.

AFFA İntizam Komitəsinin iclasında bu haqda qərar qəbul edilib.

Bildirilib ki, belçikalı futbolçu Əvəzedicilər liqasındakı davranışına görə buna məruz qalıb. O, 21-ci turda "Sabah-2" ilə görüşün 43-cü dəqiqəsində hakimin qərarına etiraza görə ikinci sarıdan qırmızı vərəqə alaraq meydandan qovulub.

Buna görə, S.Mmae 1 oyunluq cəzalandırılıb "Qarabağ-2" 250 manat cərimələnib.

Qeyd edək ki, Sami Mmae intizam qaydalarını pozduğu üçün "Qarabağ"ın baş məşqçisi Qurban Qurbanov onu əsas heyətdən qovub.