"Sabah"ın 3-cü mərhələdə potensial rəqibi bilindi

İsveçrənin Nyon şəhərində UEFA Çempionlar Liqasında 3-cü təsnifat mərhələsinin püşkü atılıb.

Supersport.Az xəbər verir ki, ikinci mərhələnin "Sabah" - KuPS (Finlandiya) cütlüyü "səpələnməmişlər" səbətində yer alıb. Bu cütün qalibi üçüncü mərhələdə səpələnmişlər səbətindəki  "Aarhus" (Danimarka) - "Lex" (Polşa) cütünün qalibi ilə qarşılaşacaq.

"Sabah" - KuPS cütünün qalibi ilk oyunu səfərdə keçirəcək.

ÇL-də üçüncü mərhələnin ilk matçları 4/5 avqust, cavab görüşləri avqustun 11-nə təyin olunub.