"Şübhələrin yaranması məni təəccübləndirmir" - "Barselona"nın baş məşqçisi
Supersport.Az xəbər verir ki, "Barselona"nın baş məşqçisi Hansi-Diter Flik prinsipial rəqiblərə iki məğlubiyyətdən sonra ünvanına səslənən tənqidləri şərh edib.
Çempionlar Liqasında "Barsa" PSJ-yə 2:4, İspaniya La Liqasında Madrid "Real"ına 1:2 məğlub olub.
Hər iki mənfi nəticə komandanın Avropanın güclü klubları ilə qarşıdurmalardakı imkanları ətrafında müzakirələrə səbəb olub.
Alman mütəxəssis, son uğursuzluqların rəqiblərin səviyyəsində əhəmiyyətli fərqdən xəbər verməsi ilə razılaşmır.
"Belə nəticələrdən sonra şübhələrin yaranması məni təəccübləndirmir. Bu, adi haldır və biz iddialarımızı meydanda təsdiqləməliyik. Komanda matçlarda yüksək səviyyəli futbol nümayiş etdirib. Buna görə də heç bir bəhanə axtarmayacağıq. Hesab edirəm ki, biz həm "Real", həm də PSJ ilə bərabərsəviyyəli oynaya bilərik. Hər iki halda hər şey fərqli ola bilərdi".
Baş məşqçini fikrincə, hazırda "Barselona" üçün artıq oynanılmış matçlara qayıtmaqdansa, qarşıdakı görüşlərə köklənmək daha vacibdir. Eyni zamanda, o, klubun mövsüm üçün qarşıya qoyduğu hədəflərə yenidən baxmaq niyyətində olmadığını bildirib.
Flik, həmçinin futbol həvəskarlarının diqqətini ona yönəldib ki, uğursuz nəticələr həmişə qələbələrə nisbətən daha çox müzakirə doğurur. Onun sözlərinə görə, məğlubiyyətlərə və komandanın zəif cəhətlərinin axtarışına maraq tamamilə başadüşüləndir.
Çempionlar Liqasının liqa mərhələsinin üç turundan sonra "Barselona" 6 xal toplayaraq turnir cədvəlinin 8-ci pilləsində qərarlaşıb.
İspaniya klubu 4-cü görüşünü İngiltərənin "Aston Villa" klubuna qarşı keçirəcək.
"Barselona" noyabrın 8-də La Liqanın 12-ci turunda Madrid "Atletiko"sunun qonağı olacaq.
"Sabah" noyabrın 25-də Çempionlar Liqasının 5-ci turunda Bakıda "Barselona"nı qəbul edəcək.
