"Qarabağ"dan Şahrudin qərarı  - Eksklüziv

Supersport.Az-ın əldə etdiyi məlumata görə, "Qarabağ" qolkiper Şahrudin Muhammədəliyevlə bağlı qərar verəcək.

Mənbə bildirib ki, klub rəhbərliyi qapıçıyla yolları davam etdirmək fikrindədir. 31 yaşlı Şahrudinin "Qarabağ"la müqaviləsi iyunun 30-da başa çatacaq.

Baş məşqçi Qurban Qubanov Şahrudin Məhəmmədəliyevi komandada saxlamaq niyyətindədir. "Qarabağ"ın yaxın müddətdə qolkiperlə müqaviləni yeniləyəcəyi bildirilir. Şahruddin ötən mövsüm uzun müddət zədəli olub, premyer liqanın 33 oyununun 6-da meydana buraxılıb.

Hazırda Şahrudin milli komandanın xarici ölkədə düşərgəsindədir. 

Ş.Məhəmmədəliyev 11 ildir "Qarabağ"dadır, 9 qat çempion olub, 1 dəfə kubok qazanıb.

Şahrudin 6 ildir millidədir, 35 matçda iştirak edib.