"Fenerbahçe" Azərbaycanda coşquyla qarşılandı - Fotolar

Supersport.Az-ın məlumatına görə, "Turan Tovuz" PFK komandası ilə yoldaşlıq oyunu keçirəcək "Fenerbahçe" Futbol Klubu dünən Bakıda böyük coşqu ilə qarşılanıb.

Türkiyə klubunun saytı "Fenerbahçe'miz, Azerbaycan’da coşkuyla karşılandı" başlıqlı xəbər yayıb.

2 saat 20 dəqiqəlik uçuşdan sonra Bakıya çatan komanda çoxsaylı azarkeşlər tərəfindən alqışlanıb. Sevgi nümayişləri və coşqulu şüarlar müşayiəti ilə qarşılanan nümayəndə heyətində klub prezidenti Aziz Yıldırım və İdarə Heyətinin üzvləri də yer alıb. 

"Fenerbahçe"ni "Turan Tovuz"un rəhbəri Ehtiram Quliyev də qarşılayıb.

Bu gün Tofiq Bəhramov adına stadionda saat 20:00-da "Turan Tovuz" - "Fenerbahçe" dostluq matçı keçiriləcək.